Нурлатлыларны «Зур этнографик диктант» язарга чакыралар
Иртәгә, 5 ноябрьдә, Нурлат шәһәренең Халыклар Дуслыгы Йортында сәгать 10.00да райондашлар халкы «Зур этнографик диктант» Бөтенроссия акциясенә кушылачак.
Зур этнографик диктант - ул Россиядә яшәүче халыкларның мәдәнияте белән таныштыручы, шулай ук этномәдәни грамоталылыкның гомуми дәрәҗәсен бәяләргә мөмкинлек бирүче белем бирү проекты.
Акция 2025 елның 1 ноябреннән 8 ноябренә кадәр Бөтен Россия территориясендә һәм чит илләрдә уза. Быел ул Россия Федерациясе Президенты Владимир Путин инициативасы белән уздырыла торган «Россия һәм БДБ халыклары» халыкара фестиваленә багышланган.
Диктант ничек уза? Биремнәр 30 сораудан торган тест рәвешендә булачак. Аны башкаруга 45 минут бирелә, ә барлык биремнәрне үтәгән өчен максималь балл суммасы-100.
Диктант язуның төп максаты - белемнәрне бәяләү генә түгел, милләтара тынычлык һәм татулык мәсьәләләренә игътибарны җәлеп итү. Акция этнографик белемнәрдәге кимчелекләрне ачыкларга ярдәм итә һәм илебезнең мәдәни төрлелегенең мөһимлеген ассызыклый.
Үзегезне сынап карау һәм Россиянең күпмилләтле байлыгы турында яңалыклар белү өчен Халыклар Дуслыгы Йортына килегез.