Дамир Ишикнеев урта һөнәри белем бирү оешмасы хезмәткәрләрен һәм ветераннарын һөнәри бәйрәмнәре белән котлады

2025 елның 2 октябре, пәнҗешәмбе

2 октябрьдә Россиядә рәсми рәвештә Урта һөнәри белем көне билгеләп үтелә.

"Нурлат муниципаль районы урта һөнәри белем бирү системасы хезмәткәрләре һәм хөрмәтле ветераннар! Сезне ихлас күңелдән урта һөнәри белем бирү көне белән котлыйм! Эшкә битараф булмавыгыз һәм уку процессында иҗади якын килүегез, перспективалы һәм кирәкле компетенцияләр формалаштыруыгыз, шулай ук илебезнең чын гражданнарын тәрбияләвегез өчен рәхмәт сезгә! Белем бирү процессында катнашучыларга ныклы сәламәтлек, иминлек, тынычлык, һөнәри үсеш, хезмәтегездә яңа җиңүләр һәм казанышлар телим!",- диелә Нурлат муниципаль районы һәм Нурлат шәһәре Башлыгы Дамир Ишкинеевның котлавында.