Нурлатта өлкәннәр көненә багышланган чара узды
Бүген Шәһәр Мәдәният сараенда чын-чынлап җылы һәм рухи атмосфера хөкем сөрде.
Монда өлкәннәр, зирәк буын вәкилләре бәйрәм концертына җыелды.
Сәхнәдән тантанада катнашучыларга ихлас рәхмәт һәм тирән ихтирам сүзләре яңгырады. Өлкәннәрне Нурлат муниципаль районы Башлыгы Дамир Ишкинеев котлады.
"Сезнең тормыш - хезмәт сөючәнлек, ныклык һәм кече ватаныгызга чиксез мәхәббәт үрнәге ул. Нәкъ менә сез районыбызның ныклы нигезен салдыгыз. Яшьләргә биргән тәҗрибәгез, зирәклегегез һәм яхшылыгыгыз өчен сезнең алда башыбызны иябез", - дип ассызыклады үзенең чыгышында Дамир Ишкинеев.
Котлау сүзе белән Татарстан Республикасы Экология һәм табигый байлыклар министры урынбасары Ольга Манидичева да чыгыш ясады.
Бүләкләү тантанасы чараның аерым бер өлеше булды. Район Башлыгы олы яшьтә булуларына карамастан, актив иҗтимагый тормыш алып барган, яшьләр өчен остаз булган һәм җәмгыятебезнең социаль үсешенә бәяләп бетергесез өлеш керткән нурлатлыларга шәхсән үзе Рәхмәт хатларын тапшырды.
Шәһәр Мәдәният сарае иҗат коллективлары кунакларга бәйрәм рухын бүләк итте. Алар җырлар, биюләр һәм музыкаль номерлардан торган күңелле һәм ямьле концерт әзерләгән.