Дамир Ишкинеев Нурлат өлкәннәр һәм инвалидлар интернат-йортында булды
Район Башлыгы учреждение карамагындагыларга Халыкара өлкәннәр көне уңаеннан ихлас теләкләрен җиткерде.
"Сез, тормышта бик күпне кичергәнсез, үз юлыгызда авырлыкларны да, шатлыкларны да, бәхетне дә, сагышны да күргәнез. Илебез һәм туган ягыбыз иминлеге өчен көчегезне кызганмый эшләвегез, яшь буынга үрнәк булуыгыз өчен рәхмәтлебез. Сезгә нык сәламәтлек, иминлек телибез, бу йортта дуслык һәм үзара ихтирам хөкем сөрсен. Бәйрәм белән!"–диде Дамир Азат улы, тирән ихтирамын белдереп.
Интернат йортта яшәүчеләр белән очрашу учреждениенең актлар залында узды, анда район үзешчәннәре өлкәннәр өчен бәйрәм концертын да оештырды.
Аларга җылы теләкләр белән Нурлат районының социаль яклау бүлеге начальнигы Елена Афанасьева, Нурлат АТПсы генераль директоры Идрис Кәримов, «ТатРИТЭКнефть» беренчел профсоюз оешмасы рәисе Гүзәл Әһлиуллина һәм күп еллар дәвамында интернат-йортның җитәкчесе булып эшләгән Евгений Савинов та мөрәҗәгать итте.
Тәрбияләнүчеләрне учреждение директоры Илфат Гыймадиев та котлады. «Без-бердәм, бер гаилә һәм тату яшәргә тиешбез. Без сезне яратабыз, һәрвакыт шулай булып калыгыз. Сезгә сәламәтлек һәм иминлек телим!"- диде ул.
Котлаулардан һәм концерттан соң өлкәннәр бәйрәм өстәлләре әзерләнгән аш бүлмәсенә җыелды.
Нурлат өлкәннәр һәм инвалидлар интернат-йортында бүген 136 кеше яши. Өлкәннәргә игътибар һәм кайгырту-ул бурыч кына түгел, ә җәмгыятьнең олы буын вәкилләре турында кайгырту сәләтен күрсәтүче мөһим күрсәткеч. Бу көннәрдә алар районның игътибар үзәгендә: аларга мәктәп укучылары һәм төрле учреждениеләр вәкилләре килә, бүләкләр, күңел җылысы һәм кайгыртучанлык бүләк итә.
«Мин монда нибары биш ай гына яшим, ләкин коллективка кереп киттем һәм бик канәгать. Хезмәткәрләргә безгә яхшы мөнәсәбәтләре өчен рәхмәт. Биредә яхшы шартлар һәм кайгыртучан тәрбиячеләр бар",-дип уртаклашты 72 яшьлек Антонина Щекотова.