Нурлатта террорчылыкка каршы көрәш комиссиясе утырышында биш мәсьәлә буенча фикер алыштылар
Бүген Нурлатта террорчылыкка каршы көрәш комиссиясе утырышы узды.
Көн тәртибенә биш сорау кертелгән. Утырыш комиссия рәисе Дамир Ишкинеев җитәкчелегендә узды.
Беренче мәсьәлә буенча террорчылыкка каршы көрәш комиссиясе секретаре Рәфис Нигъмәтуллин чыгыш ясады. Ул 2025 елның 3нче кварталында Нурлат муниципаль районында комиссия планы үтәлеше турында сөйләде. Район Башкарма комитеты җитәкчесенең социаль мәсьәләләр буенча урынбасары вазифаларын башкаручы Әлфия Галәүтдинова районда террорчылыкка һәм экстремизмга каршы көрәшнең комплекслы планы турында сөйләде. Авыл җирлекләре башлыклары Татьяна Савинова һәм Ришат Насыйбуллин Иске Чаллы һәм Колбай-Мораса авыл җирлекләрендә террорчылыкка һәм экстремизмга каршы көрәшнең торышы белән җентекләп таныштырды. Шулай ук район Башкарма комитетының икътисад бүлеге җитәкчесе Гөлназ Дәүләтшинаның сәнәгать һәм сәүдә объектларының террорчылыктан саклану торышы турында доклады тыңланды.
Террорчылыкка каршы комиссия рәисе Дамир Ишкинеев, утырышны йомгаклап, куркынычсызлык чараларын көчәйтергә күрсәтмә бирде.
"Махсус хәрби операция бара, без барыбыз да үз территорияләребезнең иминлеге, үз оешмаларыбыз һәм учреждениеләребез, аларның сакланышы өчен җавап бирәбез. Без алар өчен тулы җаваплылык тотабыз, шуңа күрә районның барлык объектларында да куркынычсызлык чараларын көчәйтергә кирәк", - диде ул.