Нурлат педагоглары һәм студентлары "Осталар шәһәрчеге-2025" республика ярминкәсендә районны уңышлы тәкъдим итте
Нурлат районының мәгариф учреждениеләре коллективлары ел саен уздырыла торган «Осталар шәһәрчеге» республика авыл хуҗалыгы продукциясе һәм техник иҗат эшләнмәләре ярминкәсендә зур уңышка иреште.
Чара Казанда Агросәнәгать паркы мәйданчыгында узды. Нурлатлыларның эше жюри тарафыннан югары бәяләнде. Аерым котлауларга ярминкәдә җиңү яулаган Нурлат аграр техникумы командасы лаек булды. «Кондитер продукциясенең оригинальлеге, матурлыгы һәм сыйфаты өчен» номинациясендә безнең осталар һәм булачак белгечләр диплом белән бүләкләнде.
Мондый масштаблы смотрлар үткәрү районның мәгариф оешмалары арасындагы элемтәләрне ныгытуда мөһим роль уйный, шулай ук яшьләр арасында һөнәри осталык культурасын һәм эшче һөнәрләрнең абруен формалаштыруга ярдәм итә.
Нурлат муниципаль районы администрациясе районыбызны шундый югары дәрәҗәдә тәкъдим иткән барлык педагогларга һәм студентларга рәхмәт белдерә. Сезнең уңыш - яшьләребезнең потенциалын үстерүгә һәм республикада Нурлат районының уңай имиджын ныгытуга мөһим өлеш кертү ул.