Үткән заман геройлары анимацион фильмнарда җанлана
«Геройлар Тавы мультстудиясе» проектын гамәлгә ашыру кысаларында педагоглар Каравыл-Тавы гомуми белем мәктәбе укучылары белән Советлар Союзы Герое, очучы, гвардия капитаны Анатолий Иванович Кузнецов туып үскән, мәдәни мирас объекты-Кенәз Оболенский тегермәне урнашкан Каравыл Тавы авылы тарихы буенча дәресләр үткәрә. Нәкъ менә шушы кызыклы фактлар буенча балалар 2 мультфильм ясаячак.
Проект «Яшьләр һәм балалар», «Гаилә» илкүләм проектларына тулысынча туры килә.
Татарстан Республикасы Нурлат районының «Мәдәниятне үстерү үзәге» муниципаль бюджет учреждениесе командасы Президентның Мәдәни инициативалар фондының грант проектында катнашып, җиңүче яулады.
Проект кысаларында оешма район территориясендә урнашкан князь Оболенский тегермәне һәм Советлар Союзы герое, гвардия капитаны Анатолий Иванович Кузнецов турында ике мультфильм эшләү өчен мультстудия сатып алган. Шулай ук биредә мультфильмнар ясау өчен материаллар, ноутбук, экран һәм видеопроектор каралган, алар мультфильмнар күрсәтергә ярдәм итәчәк.
Хәзер авыл балалары үзләрен чын мультипликация тудыручылар итеп хис итә ала.