Нурлатта чит ил гражданнарын адаптацияләү турында фикер алыштылар

2025 елның 25 сентябре, пәнҗешәмбе

Нурлатта чит ил гражданнарын адаптацияләү мәсьәләләренә багышланган очрашу узды.

Шәһәр Мәдәният сарае мәйданчыгында Татарстан Республикасы чит ил гражданнарын адаптацияләү үзәгенең бүлек җитәкчесе Марсель Дәүләтшин районда яшәүче чит ил кешеләре белән әңгәмә корды. Әңгәмә ачык форматта узды. Катнашучылар хокукый ярдәм, социаль һәм мәдәни интеграциядә ярдәм итүне дә кертеп, темаларның киң даирәсе турында фикер алыштылар. Халык Татарстанда булуларына кагылышлы актуаль сорауларга җаваплар алды.

Чара хакимият вәкилләре һәм чит ил гражданнары арасында турыдан-туры хезмәттәшлекне җайга салырга мөмкинлек бирде, бу аларның җәмгыятьтә уңайлырак җайлашуына ярдәм итә.