«Гаилә территориясе»: «Грани» мәдәни – ял үзәгендә уңышлы узган грант проектына йомгак ясадылар
«Грани» мәдәни — ял үзәгендә киң колачлы проектка иҗади йомгак ясалды - район мәдәният хезмәткәрләре өчен семинар-киңәшмә узды.
Киңәшмәне уздыруга республика Рәисе хуплаган «Гаилә территориясе» грант проектының уңышлы тәмамлануы сәбәп булды.
Чара продуктив һәм җылы эш атмосферасында узды. «Грани» үзәге директоры, проект авторы һәм җитәкчесе Динә Хөҗҗәтова хезмәттәшләре алдында тәфсилле хисап белән чыгыш ясады. Ул үз мәдәният йортлары булмаган кече авылларда «Гаилә территориясе»н гамәлгә ашыруның кыйммәтле тәҗрибәсе белән уртаклашты. Эшнең күчмә форматларына аерым басым ясалды — авыл белгечләре үзләренең һөнәри тәҗрибә тупланмаларына актуаль практик материаллар һәм әзер эшләнмәләр алды.
Динә Камиловна билгеләп үткәнчә, биш комплекслы концертның төп нәтиҗәсе халык һәм җирле хакимият вәкилләренең сокланулы бәяләмәләре булган. Авыл халкы фикеренчә, мондый чаралар мәдәни ял дәрәҗәсен күтәреп кенә калмаган, эмоциональ климатны да сизелерлек яхшыртуга китергән. "Һәм бу — безнең эшебезгә иң яхшы бәя!"- дип ассызыклады проект җитәкчесе.
Уртак эшкә керткән өлеше өчен барлык волонтерлар-мәдәният хезмәткәрләре ( барлыгы 65 кеше!) «НУРлы гаилә» гаилә клубы» коммерцияле булмаган автоном оешмасыннан Рәхмәт хатлары белән билгеләп үтелде. Шулай ук проектны тормышка ашырган иҗат коллективы район Башлыгының мактаулы Рәхмәт хатларына лаек булды.