“Утильләштерү мәктәбе: электроника" Татарстанда үз эшен яңарта
Җәйге каникуллардан соң Татарстанда "Утильләштерү мәктәбе: электроника” федераль программасы эшен дәвам итә, ул “Экологик иминлек” илкүләм проектына ярдәм итүгә юнәлдерелгән. Бу хакта Татарстан Республикасы Экология министрлыгы матбугат хезмәте хәбәр итә.
Программада кемнәр катнаша ала:
- укучылар, дуслары һәм туганнары,
- хезмәткәрләр, укытучылар һәм оешмаларга килүчеләр,
- гомуми, урта, урта һөнәри белем учреждениеләре,
- өстәмә белем бюджет учреждениеләре,
- ташламалы шартларда коммерция компанияләре.
Моның өчен табигатьтән рациональ файдалану фондының рәсми сайтында теркәлергә һәм катнашуга гариза бирергә кирәк: https://eko-fond.ru/electronics
Түләүсез утильләштерүгә түбәндәге җиһазлар кабул ителә:
компьютер һәм офис техникасы,
- көнкүреш техникасы,
электр инструменты,
- фәнни һәм медицина техникасы,
телефоннар һәм шәхси гаджетлар,
- җиһазларның запас частьләре һәм аксессуарлары,
- суыткычлар, кондиционерлар.
Утильләштерүгә алынмый:
- радиация билгесе булган җайланмалар,
- принтер картриджлары,
люминесцент лампалар,
батарейкалар, ИБП, АКБ.
Тапшыру графигы турында тулырак мәгълүмат табигатьтән рациональ файдалану фонды сайтының «Электроника» бүлегендә урнаштырылган: https://eko-fond.ru/electronics
«Утильләштерү мәктәбе: электроника» программасы Татарстанда 2022 елдан башлап Татарстан Республикасы Экология һәм табигый байлыклар министрлыгы белән килешү кысаларында гамәлгә ашырыла. Аның төп максаты - әйләнә-тирә мохиткә электрон җиһазларны дөрес утильләштермәүдән килгән зыянны киметү һәм куркыныч калдыклар белән эш итүгә аңлы рәвештә якын килүне формалаштыру.