Нурлаттан «Факел»ның яшь футболчылары янә республикада иң яхшылары булып танылды

2025 елның 22 сентябре, дүшәмбе

Чемпионлык өчен көрәштә бөтен республикадан 10 команда катнашты. Турнир марафоны майдан сентябрьгә кадәр дәвам итте, һәм бу вакыт дәвамында Нурлат футболчылары җиңүгә омтылыш һәм югары дәрәҗә күрсәтте. Бу вакыт эчендә команда 18 уен үткәрде, шуларның 17сендә ышанычлы җиңү яулады!

Егетләр турнир тәмамланганчы ук үзләренә беренче урынны тәэмин итте, иң якын эзәрлекләүчедән 6 очкога зур аерма булдырды. Бу яшь спортчыларның бәхәссез лидерлыгын һәм команда рухын исбатлый.

Чемпионнарыбызны һәм аларның остазы, тренеры Инсаф Рамил улы Вәлитовны зур казанышлары белән чын күңелдән котлыйбыз! «Факел» командасына ирешелгәннәрдә генә тукталып калмаска, спорт дәртен саклап калырга һәм шәһәребезне зур җиңүләре белән сөендерүен дәвам итүләрен телибез.