Нурлат районы Башлыгы Дамир Ишкинеев «Район газетасын - туган телдә» акциясенә старт бирде
2026 елның беренче яртыеллыгына «Дуслык» («Дружба», «Туслах») газеталарына язылу турындагы квитанцияләрне ул махсус хәрби операция геройларының әниләренә бүләк итте.
Нурлат районында «Район газетасын – туган телдә» традицион хәйрия акциясенә старт бирелде. Аның инициаторы - район Башлыгы Дамир Ишкинеев. 2026 елның беренче яртыеллыгына «Дуслык(«Дружба», «Туслах») газеталарына хәйрия акциясе кысаларында беренче язылучылар махсус хәрби операция барышында хәрби бурычларны үтәгәндә һәлак булган хәрбиләрнең әниләре булды.
Нурлаттан Тәнзилә Хәмзә кызы Җаббаровага, Егоркино авылыннан Вера Ивановна Кадяшевага һәм Тимерлек авылыннан Диана Николаевна Галиуллинага шәхсән үзе имзалы квитанцияләре һәм бүләкләр тапшырды.
Хатын-кызларга мөрәҗәгать итеп, район Башлыгы батырлык һәм каһарманлык күрсәткән уллар тәрбияләүләре өчен тирән рәхмәтен белдерде, шулай ук Ватанны саклаучыларның гаиләләре белән әхлакый ярдәмнең мөһимлеген ассызыклады.
Чара кунаклары район газетасының алар тормышында нинди роль уйнавы белән уртаклаштылар. Вера Ивановна Кадяшева билгеләп үткәнчә, аларның гаиләсе күп еллар дәвамында «Дружба» яздыра.
"Безнең өчен газета - район тормышы турында төп яңалыклар чыганагы. Бигрәк тә соңгы вакытта геройларыбыз – СВОда катнашучылар, волонтерлык берләшмәләре эше турындагы материалларны дулкынланып укыйбыз. Бу бик мөһим һәм кирәк", - дип уртаклашты Вера Ивановна.
Диана Николаевна Галиуллина гаиләсе белән Казаннан Рус Тимерлегенә берничә ел элек күчеп кайткан һәм әлегә кадәр газета белән таныш булмаган.
"Бу игелекле акция - район тормышы белән якыннанрак танышу, аның тарихын һәм кешеләрен белү өчен менә дигән сәбәп. Мондый мөмкинлек өчен рәхмәт", - диде ул.
Тәнзилә Хәмзә кызы Җаббарова барлык гаиләләр исеменнән даими игътибар һәм һәрьяклап ярдәм итүләре өчен рәхмәт белдерде.
"Минем улымның хатыны һәм өч баласы калды. Без сезнең кайгыртуыгызны тоябыз: безне чараларга, бәйрәмнәргә чакыралар, безнең ихтыяҗларыбыз белән һәрвакыт кызыксыналар. Шәхсән Дамир Азат улына һәм «Ватанны саклаучылар» фондына безне авыр минутларда калдырмаганыгыз һәм шундый рухи бүләк – туган газетага язылу бүләк иткән өчен зур рәхмәт", - дип билгеләп үтте Тәнзилә Хәмзиевна.
Очрашу барышында районда СВОда катнашучыларның гаиләләренә ярдәм итүгә аерым игътибар бирелүе билгеләп үтелде.
«Район газетасын – туган телдә» акциясе дәвам итә. Ул районда өлкән яшьтәгеләргә, күп балалы гаиләләргә һәм игътибарга һәм социаль ярдәмгә аеруча мохтаҗ кешеләргә ярдәм итүгә юнәлдерелгән, чөнки ул аларга район тормышы турында иң оператив һәм мөһим мәгълүматларга ирешү мөмкинлеген тәэмин итә.