Нурлат районы Роспотребнадзоры: бу көздә грипптан ничек сакланырга
Роспотребнадзорның Татарстан Республикасы буенча Нурлат, Аксубай, Әлки, Чирмешән районнарындагы территориаль бүлеге халыкка гриппка каршы вакцинация уздыру сезоны башлануы турында хәбәр итә.
Салкыннар башлану белән авыручылар саны арта, ә грипп вирусы үпкә ялкынсынуы кебек авыр катлауланулар китереп чыгарырга мөмкин.
Ни өчен прививка ясату мөһим?
Вакцинация-ул саклануның иң нәтиҗәле ысулы. Ул инфекция йоктыруны булдырмый гына түгел, авыруның авыр узуы, катлауланулар һәм үлем очраклары куркынычын да нык киметә.
Беренче чиратта прививканы кемгә ясатырга?
Куркыныч янаган төркемгә түбәндәге категорияләр керә:
Балалар (6 айдан зуррак, мәктәп укучылары, студентлар);
60 яшьтән өлкәнрәк кешеләр;
Йөкле хатын-кызлар;
Хроник авырулы булган кешеләр;
Мәгариф, медицина, транспорт һәм коммуналь хезмәт өлкәсендә эшләүчеләр.
Прививканы кайчан ясатырга?
Иң яхшы вакыт — сентябрьдән ноябрьгә кадәр. Иммунитет 6-8 ай саклана, шуңа күрә ел саен прививка ясатырга кирәк.
Мифларны җимерәбез:
МИФ: Грипп салкын тиюдән дә куркыныч түгел. Дөресе: ул үпкә ялкынсынуына яисә инфарктка китерергә мөмкин.
МИФ: сарымсак һәм витаминнар куллану ышанычлы саклаячак. Дөресе: бердәнбер ышанычлы саклау чарасы — вакцина ясату.
МИФ: гриппны антибиотиклар белән дәвалыйлар. Дөресе: вируска каршы антибиотиклар көчсез.
Өстәмә профилактика чаралары:
Кулларыгызны ешрак юыгыз һәм антисептик кулланыгыз.
Җәмәгать урыннарында битлек киегез.
Бүлмәләрне җилләтегез һәм авыру кешеләр белән аралашмагыз.
Сәламәт яшәү рәвеше алып барыгыз.
Исегездә тотыгыз: "аяк өстендә" кичергән грипп бик авыр өзлегүләр белән куркыныч. Беренче симптомнар булганда (югары температура, йөткерү) кичекмәстән табибка мөрәҗәгать итегез.
Вакытында прививка ясатыгыз - бу сезнең гриппка каршы ышанычлы калканыгыз! Сәламәтлекне саклау - безнең уртак бурычыбыз