Нурлатның “Әни чәе" төркеме активистларына Рәхмәт хаты тапшырылды

2025 елның 18 сентябре, пәнҗешәмбе

Нурлатта яшәүче ислам нигезләрен өйрәнүче хатын-кызлар махсус хәрби операциядә катнашучыларга ярдәм йөзеннән акцияләр үткәрүне дәвам итә.

Гуманитар ярдәм җыюдан тыш, алар Әхмәдзәки хәзрәт Сафиуллин исемендәге Тәгълим үзәгендә шулай ук файдалы һәм хуш исле үлән чәе әзерләү белән дә шөгыльләнәләр. Аларның «Әни чәе» эмблемасы белән төрелгән чәйне сугышчылар түземсезлек белән көтә. Соңгы берничә ай эчендә генә дә фронтка дистәләгән мең пакет чәй озатылган.

Шушы көннәрдә «Нурлат Җиңү өчен» Фонды җитәкчесе Ришат Сафиуллин волонтерларга рәхмәт хаты тапшырды. Ул аларның нурлатлыларның махсус хәрби операция сугышчыларына ярдәм итү буенча уртак эшенә керткән өлешләрен билгеләп үтте.