«Земство укытучысы» программасының өч лауреаты Нурлат районы мәктәпләре коллективын тулыландырды
Яңа 2025-2026 уку елы башлану белән Нурлат муниципаль районының ике мәктәбендә «Яшьләр һәм балалар» илкүләм проектын гамәлгә ашыру кысаларында үткәрелә торган «Земство укытучысы» абруйлы программасы лауреатлары булган өч педагог эшли башлады.
Зилә Сөләйман кызы Хисмәтова, беренче квалификацияле физика укытучысы, бай педагогик тәҗрибәгә ия. Аның осталыгы һәм профессиональлеге дәресләрне кызыклы һәм мавыктыргыч итеп үткәрергә мөмкинлек бирә, укучыларны фәнне өйрәнүгә җәлеп итә. Хәзер Нурлат шәһәренең 4нче мәктәбе укучылар арасында үз фәненә кызыксыну уята торган талантлы физик укытучысы белән мактана ала.
Шулай ук районга 3нче мәктәптә ирле-хатынлы педагоглар Әмир Александрович һәм Ольга Петровна Прудниковлар килеп эшли башлады. Алар «Земство укытучысы» конкурсында уңышлы катнашып, яңа яшәү урыны итеп Нурлатны сайлаган. Ике укытучы да югары квалификация категориясенә ия: Ә.А. Прудников физика укыта, О. П.Прудникова - башлангыч сыйныфлар укытучысы. Аларга Нурлат районы Башкарма комитеты ярдәме белән муниципаль фатир бирелде. 3нче мәктәп директоры Юрий Евгеньевич Пименов коллективны шундый югары квалификацияле белгечләр белән тулыландыруның мөһимлеген билгеләп үтте, укучыларның белем бирү дәрәҗәсен күтәрүгә һәм югары нәтиҗәләргә ирешүгә ышанычын белдерде.
Земство укытучылары педагогик составны ныгытырлар һәм Нурлат районында белем бирүнең сыйфатын яхшыртуга зур өлеш кертерләр дип өметләнәбез.