БПЛА белән бәйле материалларны бастырып чыгару тыелуы турында мөһим мәгълүмат
Татарстан Республикасы Рәисенең «Россия Федерациясе Президентының 2022 елның 19 октябрендәге 757 номерлы Указын Татарстан Республикасы территориясендә гамәлгә ашыру максатларында аерым мәгълүматны бастырып чыгаруны, таратуны тыю турында» 2025 елның 29 августындагы 695 номерлы Указының 1 пункты нигезендә массакүләм мәгълүмат чараларында, мәгълүмат-телекоммуникация челтәрләрендә, «Интернет» челтәрен, социаль челтәрләрне һәм аралашу сервисларын да кертеп, түбәндәге мәгълүматны, шул исәптән фото - һәм видеоматериаллар форматында бастырып чыгаруны һәм таратуны тыю билгеләнде:
а) Татарстан Республикасы территориясендә пилотсыз һава судноларын (пилотсыз очу аппаратларын) куллану һәм куллану нәтиҗәләре турында белешмәләрне, аларның төрен, җибәрү урынын, урнашу урынын, төшү урынын, очу траекториясен идентификацияләү, аларга һөҗүм итү урыннарын (объектларын), алар тарафыннан объектларны зарарлау фактын һәм китерелгән зыянның характерын билгеләү мөмкинлеген бирә торган мәгълүматны да кертеп ;
б) Татарстан Республикасы территориясендәге пилотсыз һава судноларына каршы тору чараларын (системаларын), шул исәптән һава һөҗүменә каршы оборона һәм радиоэлектрон көрәш системаларын куллану һәм куллануның нәтиҗәләре турында мәгълүмат;
в) Татарстан Республикасы территориясендәге корылмаларның, пилотсыз һава судноларына каршы тору чараларының (системаларының) урнашу урыннары турында белешмәләр, моңа һава һөҗүменә каршы оборона һәм радиоэлектрон көрәш объектлары да керә;
г) Татарстан Республикасы Рәисе Указының 1 пунктындагы «в» пунктчасында күрсәтелгән объектларның урнашу урыннарын ачуга ярдәм итә торган мәгълүмат.
Татарстан Республикасы Рәисе Указының 2 пункты нигезендә билгеләнгән тыюлар федераль башкарма хакимият органнары, аларның Татарстан Республикасы территориясендә эшчәнлек алып баручы территориаль органнары, Татарстан Республикасы дәүләт хакимияте органнары һәм Татарстан Республикасы муниципаль берәмлекләренең җирле үзидарә органнары тарафыннан массакүләм мәгълүмат чараларында, мәгълүмат-телекоммуникация челтәрләрендә, социаль челтәрләр һәм вакытлы хәбәрләр алмашу сервислары (алга таба - рәсми чыганаклар), шулай ук мондый мәгълүматның рәсми чыганакларга сылтама белән таралу очракларына «Интернет»челтәрен дә кертеп, Указның 1 пунктында күрсәтелгән мәгълүматны бастырып чыгару һәм тарату очракларына кагылмый.
Уяу һәм җаваплы булыгыз! Төбәгебезләге иминлек безнең гамәлләргә бәйле.