Нурлат районы автопаркы яңа уку елына әзер

2025 елның 1 сентябре, дүшәмбе

Яңа уку елы башланыр алдыннан Нурлат районының барлык 29 мәктәп автобусының да техник торышы  тулысынча тикшерелде.

Белгечләр транспорт чараларының төзеклеген, тахографларның һәм ГЛОНАСС системасының эшләвен карады.

Яңа уку сезонына район автопаркы дүрт яңа автобус белән тулыланды, бу исә мәктәп укучыларын уңайлы һәм имин йөртүне тагын да яхшырак тәэмин итәргә мөмкинлек бирәчәк.

Машина йөртүчеләрнең профессиональлегенә аерым игътибар бирелә - аларның барысы да зур эш стажына ия һәм яшь пассажирларның иминлеге өчен җаваплы.