Нурлатта Бөек Ватан сугышы геройлары булган якташларыбызның рәсемнәре урнаштырылган урам галереясе ачылды
Татарстан Республикасы көнен, Нефть һәм газ сәнәгате хезмәткәрләре көнен һәм Шәһәр көнен бәйрәм итү кысаларында бу вакыйга нурлатлылар өчен чын бүләк булды.
Галерея ачылу тарихи хәтерне һәм буыннар бәйләнешен саклау өчен гаять зур әһәмияткә ия. Җиңүнең 80 еллыгына һәм Ватанны саклаучылар елына багышланган «Геройларны исеинәре белән искә алыйк» галереясе Мәктәп урамында урнашкан. Ул пилларлардан-дүрт Советлар Союзы Герое, ике Дан орденының тулы кавалеры һәм безнең районнан бер Россия Федерациясе Герое биографияләре һәм батырлыклары тасвирланган мәгълүмати конструкцияләрдән тора.
Урам галереясын ачу тантанасы мәртәбәле кунаклар катнашында узды. Истәлекле чарага җыелучыларны Нурлат районы башлыгы Дамир Ишкинеев һәм генераль директор урынбасары – «Татнефть» ГАҖнең Казандагы департаменты директоры Дамир Мөхәммәтшин сәламләде.
"Бүген без Нурлат геройлары исемнәре мәңгеләштерелгән истәлекле галереяны ачабыз. Әлеге проект «Татнефть» компаниясе ярдәмендә тормышка ашырылды. Нурлатлылар откан грант компаниянең ни дәрәҗәдә социаль юнәлешле булуын ачык күрсәтә, бу – яшьләребезгә патриотик тәрбия бирү. Бу урамда мәктәп, «Киләчәк» балалар иҗат үзәге урнашкан, биредән узган яшьләр Бөек Ватан сугышы елларында Ватаныбыз өчен көрәшкән геройларның исемнәрен һәм батырлыклары турында язмаларны укып беләчәк», – диде Дамир Азат улы.
Дамир Мөхәммәтшин билгеләп үткәнчә, мондый объектлар геройлар турындагы истәлекне сакларга һәм алар үрнәгендә үсеп килүче буынга дөрес тәрбия бирергә ярдәм итә.
"Мондый галерея ачылу безнең өчен тарихны, геройларыбызны хөрмәтли белү дигәнне аңлата. Чөнки «Татнефть» компаниясе һәрвакыт үз кешеләре, тарихы, хәтере белән горурланды һәм компаниянең 75 ел эшләү дәверендә без Бөек Ватан сугышында безне яклаган, тыныч тормыш корган, илебез өчен горурлык уллар үстергән геройларыбызның исемнәрен хәтерлибез, һәм, әлбәттә инде, хәзер СВО кырларында бу да Ватаныбызның яклавы, анда булган егетләр, үзләрен кызганмыйча, монда кешеләр яши, үсә, укый алсын, гаделлек дәвам итсен өчен көрәшәләр.. Бу – хәтер, кеше үзе турында хәтерләгәндә исән, аларнызң исемнәрен онытырга ярамый", - диде Дамир Фәридович.
Бөек Ватан сугышында катнашучылар истәлегенә бер минут тынлыктан соң, кунаклар Галерея буйлап йөреп, арт-объектлар белән якыннанрак танышты.
Кунаклар арасында Дан орденының тулы кавалеры Миннехан Мәсгут улы Мәсгутовның оныклары Һәм оныкчыклары да бар иде.
"Без бу вакыйга турында безне урам Галереясе ачылышына чакыргач кына белдек, бик шатландык, күңел хис-кичерешләр белән тулы. Горурланабыз. Бабайны сугышка алып киткәндә әтиебезгә нибары 9 ай гына була. Ә ул Җиңүгә берничә көн кала һәлак була, эшелонны миналардан арындыргач, соңгы минада шартлый. Без-аның нәсел варислары - бик күбәү, барыбыз да аның турында якты хатирәне саклыйбыз, ел саен 9 майда Азат итүче сугышчыга һәйкәл янына җыелабыз", - дип сөйләде оныгы Мөнәвәрә Мәсгутова.
Бу проектның әһәмияте шунда ки, ул тарихны абстракт фактлардан сизелерлек чынбарлыкка әверелдерә, яшьләргә чын геройлык һәм үз-үзеңне корбан итүнең чын мисалларын бирә. Урам галереясын урнаштыру «Татнефть» грантлары конкурсында «Игелек энергиясе» проектының җиңүе нәтиҗәсендә мөмкин булды. Проект «Татарстан – Яңа гасыр» – «Татарстан – Яңа гасыр» республика иҗтимагый хәрәкәтенең Нурлат территориаль бүлеге һәм «НУРлы гаилә» гаилә клубы» автоном коммерцияле булмаган оешмасы тарафыннан эшләнгән. Проект авторы - «Грани» мәдәни-ял үзәге һәм «НУРлы гаилә» гаилә клубы» автоном коммерцияле булмаган оешмасы директоры Динә Хөҗҗәтова.
Урам галереясе Бөек Ватан сугышында катнашучыларның барысына да тирән рәхмәт белдерү үрнәге һәм якташларыбызның баш өстендә тыныч күк йөзе өчен түләгән бәясе турында мәңгелек искә төшерү билгесе булып тора.