Нурлатта район мәгариф учреждениеләрендә янгын куркынычсызлыгы торышы турында фикер алыштылар

2025 елның 21 августы, пәнҗешәмбе

Нурлатлылар видеоконференция режимында Татарстанның  Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү комиссиясенә кушылды.

Утырышта Татарстан Республикасы гомуми белем бирү оешмаларының яңа уку елына әзерлеге турында сөйләштеләр.

Көн тәртибендә гомуми белем бирү оешмаларының яңа уку елына әзерлеге, гомуми белем бирү оешмаларының янгын куркынычсызлыгы торышы һәм республика гомуми белем бирү оешмаларының санитар-эпидемиологик торышы һәм аларга яңа уку елына әзерлек барышында куела торган санитар-экологик таләпләр турындагы мәсьәләләр каралды.

Утырыш йомгаклары буенча мәгариф учреждениеләрендә хокук бозулар ачыкланган районнарга уку елы башланганчы җитешсезлекләрне бетерү йөкләнде