Нурлатта сабыйлар юл йөрү кагыйдәләрен өйрәнә

2025 елның 13 августы, чәршәмбе

«Светлячок» балалар бакчасында юл хәрәкәте кагыйдәләрен өйрәнү буенча кызыклы һәм мавыктыргыч шөгыль узды.

Күңелле уеннар һәм БДД ДБУ ТУ бүлеге начальнигы Гөлфия Гыймалтдинова белән очрашу файдалы һәм кызыклы булды.

Балалар мавыктыргыч формада юл аша чыгу кагыйдәләрен кабатлады.

Яктылык кайтаргычлар нигә кирәк, ерактан күренеп тору-саклану дигән сүз икәнен белде!

Ни өчен бигрәк тә машина юлында өлкәннәрне тыңлау мөһим икәнлегенә төшенде.

Мондый дәресләр - уен гына түгел,  балалар куркынычсызлыгына мөһим адым да. Юл кагыйдәләре — ышанычлы кагыйдәләр икәнен һәр сабый белсен!