Кормыш һәм Югары Нурлат микрорайоннары зиратларында гадәттәге җәйге өмәләр узды
Бу микрорайоннарда яшәүчеләр анда актив катнашты.
Җәйге чор - микрорайон территорияләрен төзекләндерү буенча актив эшләү өчен традицион вакыт. Территориаль иҗтимагый үзидарәләр (ТИҮ) бу мөһим эшне өмәләр оештырып дәвам итә.
2 августта Югары Нурлат һәм Кормыш микрорайоннары халкы үз территорияләрендә урнашкан зиратларны тәртипкә китерергә җыелды.
Кормыш микрорайоны зиратында өмә көндезге эссегә кадәр башланды. Үләннәрне чабуда һәм чүп-чарны җыештыруда гадәттәгечә ир-атлар актив катнашты. Чараны оештыруны һәм зиратта тәртип саклауны Кормыш микрорайоны имамы Габделхак Шәяхмәтов тәэмин итте, аның бу мәсьәләдә роле аеруча әһәмиятле. Монда эшкә яшьләрнең дә җәлеп ителүе аеруча яхшы күренеш.
Югары Нурлат микрорайоны зиратында да өмә халыкның актив катнашында узды. Печән чабу һәм чүп җыю эшләре ТИҮ рәисе Ильяс Төхвәтуллин җитәкчелегендә башкарылды.
"Гадәттәгечә зиратларда мондый өмәләр гомуми гыйбадәт кылу һәм үлгәннәрне искә алуга багышланган күмәк дога кылу белән тәмамлана. Кормыш һәм Югары Нурлат микрорайоннарында яшәүчеләрнең барысына да рәхмәтлебез, алар бу әһәмиятле урыннарны төзекләндерүгә үз өлешләрен кертергә вакыт һәм көч табалар!”,- диде “Кормыш" ТИҮ рәисе Рауза Ханеня.