«Татарстанда - җәй» Нурлат халкын бай мәдәни программа белән сөендерүен дәвам итә
Нурлатлылар алдында ABIEM Project эксклюзив этно-эксперименталь төркеме чыгыш ясады.
Кичә Нурлат иҗат һәм җәйге кәеф атмосферасына чумды: «Татарстанда - җәй» масштаблы республика проекты кысаларында шәһәрдә чираттагы онытылмаслык күңелле концерт узды.
Кичәнең төп музыкаль вакыйгасы ABIEM Project эксклюзив этно-эксперименталь төркеменең чыгышы булды. Тамашачылар тирән этник тамырлары заманча аранжировкалар һәм тавыш эзләүләре белән үрелеп барган уникаль музыкаль хәрәкәтнең шаһитлары булды. Проект чыгышы тамашачыга онытылмас тәэсирләр һәм музыкаль традицияләргә яңа караш бүләк итте.
Әмма концерт белән генә тәмамланмады әле ул. Төрле яшьтәге кунаклар өчен төрле мәйданчыклар эшләде: спорт уеннары энергия бирде, мавыктыргыч мастер-класслар иҗади сәләтләрен ачты, ә күңелле анимацион программа иң яшь тамашачыларга күңелсезләнергә ирек бирмәде.