Нурлатта күшәүче вак мал-туар чумасы учагын бетерү буенча регионара команда-штаб өйрәнүләре узды
Регионара команда-штаб өйрәнүләрендә Ульяновск, Самара һәм Саратов өлкәләренең ветеринария хезмәтләре вәкилләре, территориаль федераль органнар һәм профильле ведомстволар, Татарстан Республикасының 19 районы вәкилләре катнашты.
Теоретик өлеш Нурлат районы башлыгы Дамир Ишкинеевның сәламләү сүзеннән башланды. Аннары Татарстан Республикасы Министрлар Кабинетының ветеринария идарәсе башлыгы урынбасары Илдар Ногманов, ветеринария һәм фитосанитария күзәтчелеге буенча федераль хезмәтнең Татарстан Республикасы идарәсе җитәкчесе урынбасары вазыйфаларын башкаручы Мария Грибанова һәм башкаларны тыңладылар.
Теоретик өлеш барышында докладчылар күшәүче вак мал-туар чумасы авыруы керү һәм таралу куркынычы, авыруга каршы көрәш чаралары комплексы, күрше өлкәләрдә хайваннарда йогышлы авырулар таралуга юл куймау буенча күрелә торган чаралар мәсьәләләрен яктыртты.
Практик өлеш мәйданда узды, ул район һәм шәһәрләрнең эпизоотиягә каршы отрядлары техникасын, шулай ук Нурлат районының үзара хезмәттәшлек хезмәтләрен карап чыкты. Өйрәнүләр сценарий буенча узды. Йомгаклар ясаганда билгеләп үтелгәнчә, алар тәртип нигезендә үткән.