Нурлатның "көмеш" волонтерлары «Яңа Сувар» комплексында булып, көч һәм илһам алып кайтты
«Гаилә» илкүләм проектының «Өлкән буын» төбәк проектын гамәлгә ашыру кысаларында Нурлат шәһәренең Халыклар дуслыгы йорты «көмеш» волонтерлар, «55+» хатын-кызлар клубына йөрүчеләр өчен «Яңа Сувар» туристлык комплексына экскурсия оештырды. «Яңа Сувар» туристлык комплексы Әлки районында Татарстан буалары каскадында тарихи урында урнашкан. Экскурсиянең программасы бай иде: су, табигать, су коену, зоопаркка бару, тәмле ризыклар белән сыйлану һәм башкалар.
"Көмеш" яшьтәге энтузиастлар үзләренең гадәти булмаган һәм җәмгыять өчен файдалы креатив идеяләрен кыю рәвештә тормышка ашыра. "Безнең бурыч - иҗат һәм күңел ачу гына түгел. Нәкъ менә сәламәтлек торышы кешегә башка бөтен нәрсә белән шөгыльләнергә мөмкинлек бирә. Шуңа күрә бездә баш миен эшләтү юнәлешендә, мастер-класслар һәм сәламәт яшәү рәвешенә юнәлдерелгән башка проектлар бар, — дип билгеләп үтте Халыклар Дуслыгы Йорты директоры Галина Терентьева.