Дамир Ишкинеев Нурлат районы эшкуарларының җитештерү цехында булды

2025 елның 11 июле, җомга

Нурлат муниципаль районы башлыгы Дамир Ишкинеев эш визиты белән җирле эшмәкәрләр Гөлиназ һәм Илнар Сафиннар предприятиесендә булды.

2016 елда ачылган гаилә бизнесы бүген төбәктә кече эшкуарлыкны уңышлы үстерү үрнәге булып тора.

Ирле-хатынлы Сафиннар лазер белән кисү һәм төрле материалларны: агач, күн, картон, металл гравировкалау белән шөгыльләнә. Аларның ассортиментына сувенир продукциясе, бүләкләү атрибутикасы, шулай ук корпоратив заказлар өчен эшләнмәләр керә.

Заманча технологияләргә һәм иҗади якын килүгә басым ясау эшкуарларга Татарстанда да, аннан читтә сорау зур булган уникаль товарлар булдырырга мөмкинлек бирә.

Предприятие продукциясе социаль челтәрләр һәм популяр маркетплейслар аша сатыла, бу сату күләменең тотрыклы үсешен тәэмин итә.