Нурлат артистлары "Мәдәни мохит"проекты кысаларында Чирмешәндә концертта чыгыш ясады

2025 елның 7 июле, дүшәмбе

“Татнефть” оешмасы ярдәме белән гамәлгә ашырыла торган “Мәдәни мохит" проекты кысаларында Нурлат артистлары Чирмешән авылының  “Яшьләр” скверында концерт куйды.

 Чара җылы, бәйрәм рухында узды һәм бик күп тамашачыларны җыйды. «Грани» мәдәни-ял үзәгеннән Фәүзия Кәлимуллина һәм Сирень Айткулованың моңлы чыгышлары кунакларга онытылмаслык хис-кичерешләр бүләк итте. Артистлар югары дәрәҗәдәге осталык һәм сәнгатькә мәхәббәт күрсәтеп, халык һәм заманча композицияләр башкарды.

“Мәдәни мохит" - Татарстан районнарының иҗади потенциалын үстерүгә юнәлдерелгән масштаблы проект. Җәй дәвамында республика халкы һәм кунакларга концертлар, фестивальләр, мастер-класслар һәм башка мәдәни вакыйгалар тәкъдим ителәчәк.