Урман янгыннары: һәлакәтне булдырмау чаралары һәм ысуллары
Урман янгыннары - ул табигатьне юк итә торган, кешеләрнең һәм хайваннарның тормышына куркыныч тудыра торган табигый бәла.
Әмма 90% очракта аларның сәбәбе булып кешенең җавапсызлыгы тора. Әйдәгез, янгын чыгуның төп сәбәпләрен һәм фаҗигане булдырмау ысулларын ачыклыйк.
Урман янгыннарының төп сәбәпләре
Ташланган тәмәке төпчеге яки шырпы - хәтта зур булмаган сүнеп бетмәгәнкүмер кисәге дә зур күләмле янгын чыгарырга сәләтле.
Контрольсез учаклар - сүндерелмәгән ут – тыелган урыннарда яки коры җилле һавада учаклар ягу.
Үләнне яндыру - коры үсемлекләргә ут төртү еш кына утның контрольсез таралуына китерә.
Пыяла һәм чүп – чар - калдырылган шешәләр һәм банкалар линзалар кебек кояшта кыза, кояш нурларын фокуслый һәм янгын чыгара.
Техникадан очкыннар - автомобиль, мотоцикл яки авыл хуҗалыгы техникасының төзек булмаган сүндергечләре ут чыганагы булырга мөмкин.
Урман янгынын ничек булдырмаска?
Тәмәке төпчекләрен һәм шырпыларны ташламагыз – хәтта сүндерелгән яки юеш килеш тә алар янгын чыгуга сәбәп булырга мөмкин.
Учак ягу кагыйдәләрен үтәгез - махсус билгеләнгән урыннардан гына файдаланыгыз, утны контрольдә тотыгыз һәм китәр алдыннан тулысынча сүндерегез.
Үләнгә ут төртмәгез - бу куркыныч кына түгел, ә закон белән дә тыелган.
Үзегез артыннан чүп – чарны җыегыз - пыяла, банкалар һәм хәтта фольга да янгын китереп чыгарырга мөмкин.
Янгыннар турында хәбәр итегез – утка тап булганда кичекмәстән 112 яки 101 номерларына шалтыратыгыз. Янгын сүндерүчеләр никадәр тизрәк килсә, зыян шулкадәр азрак булачак.
Исегездә тотыгыз: бер генә саксыз адым гектарлаган урманны юкка чыгарырга мөмкин! Табигатьне саклагыз һәм янгын куркынычсызлыгы кагыйдәләрен үтәгез.
73 нче ПЧ инструкторы Гөлүсә Батршина