“Татарстанда - җәй": Нурлат июльдә узачак чараларга кунаклар көтә

2025 елның 30 июне, дүшәмбе

Нурлатта «Татарстанда - җәй» республика программасы кысаларында мавыктыргыч җәйге сәяхәт дәвам итә.

Сентябрьгә кадәр шәһәр халкын һәм кунакларны онытылмас хисләр, иҗади очрашулар, спорт ярышлары һәм гаилә бәйрәмнәре көтә.

Иртәгә үк, 1 июльдә, күңел ачу чаралары «Гаилә» скверында башлана! Көндезге 16:00да "Шаян балалар!” мәдәни чарасы узачак.

Рөстәм Миңнеханов хуплаган инициатива һәр җәйне бәйрәмчә мизгелгә әйләндерә.

Концертлар, фестивальләр, күргәзмәләр һәм спорт ярышлары — һәркем күңеленә хуш килер! Татарстанда җәй - шатлык, яңа танышулар һәм яхшы традицияләр чоры. Чараларга сез дә кушылыгыз!