Нурлатның 1нче мәктәбе укучылары Хәтер һәм кайгы көне алдыннан геройларны искә алды
2025 елның 20 июнендә 1нче мәктәп «Кояшкай» мәктәп яны лагерена йөрүчеләр өчен якынлашып килүче Хәтер һәм кайгы көненә багышланган истәлекле чаралар циклын үткәрде.
Нурлат шәһәренең үзәк китапханәсендә «Кояшкай» лагере балалары өчен патриотизм тәрбияләүгә һәм Россия тарихына сакчыл караш тәрбияләүгә юнәлдерелгән махсус программа оештырылды.
Мәктәп диварларында уздырылган төп вакыйга — «Молодой» позывнойлы махсус хәрби операция сугышчысы катнашында «Батырлык дәресе» булды. Очрашу Бөек Ватан сугышы геройлары һәм хәзерге заман сакчылары батырлыгы турындагы истәлекләрне берләштереп, балаларның күңеленә кереп калды.
Көн тантаналы чара белән тәмамланды: «Кояшкай»да ял итүче укучылар, тәрбиячеләр, директорның тәрбия буенча киңәшчесе Ксения Мөхәммәтҗанова һәм махсус хәрби операциядә катнашучы «Молодой» позывнойлы якташыбыз Мәңгелек утка чәчәкләр куйдылар.
22 июнь-Хәтер һәм кайгы көне. Нәкъ 84 ел элек бу көнне Бөек Ватан сугышы башланган. Чаралар балаларга фаҗига, корбаннар һәм халыкның какшамас батырлыгы турында искә төшерде.