Нурлат районы территориаль иҗтимагый үзидарәләре делегациясе Чистайда узган республика конференциясендә катнашты
2025 елның 28 маенда Нурлат муниципаль районының территориаль иҗтимагый үзидарә рәисләре ТИҮ эшчәнлегенең актуаль мәсьәләләренә багышланган республика күчмә конференциясендә актив катнашты.
Чара Чистай шәһәрендә узды һәм анда бөтен Татарстаннан 400гә якын вәкил җыелды.
Форумның төп максаты - ТИҮ рәисләре, республиканың дәүләт хакимияте һәм җирле үзидарә органнары җитәкчеләре арасында турыдан-туры диалог оештыру. Конференциядә катнашучылар эшнең өстенлекле юнәлешләре турында фикер алыштылар, шулай ук территориаль үзидарә эшчәнлеге формаларын һәм методларын камилләштерү буенча бергәләп тәкъдимнәр эшләделәр.
Конференцияне «Татарстан Республикасы Муниципаль берәмлекләре Советы» Ассоциациясе рәисе Әгъзам Гобәйдуллин җитәкләде. Чара кысаларында Нурлат делегациясе республиканың башка районнарындагы хезмәттәшләренең алдынгы эш тәҗрибәсе белән танышу мөмкинлеген алды.
"Без, Нурлат муниципаль районы ТИҮ рәисләре өчен, бу тәҗрибә гаять кыйммәтле һәм гыйбрәтле булды. Без иң яхшы тәҗрибәләрне һичшиксез анализларбыз һәм аларны районыбыз шартларына яраклаштырырга тырышырбыз», - дип билгеләп үтте «Кормыш» ТИҮ рәисе Рауза Ханеня.
Мондый масштаблы чараларда катнашу уңышлы тәҗрибәне үзләштерергә генә түгел, ә җирле үзидарә органнары белән иҗтимагый структуралар арасында үзара хезмәттәшлекнең нәтиҗәле системасын төзергә дә мөмкинлек бирә, муниципаль берәмлекләрдә тормыш сыйфатын яхшыртырга ярдәм итә.