Андреевка авылы мәдәният йортында Гомумроссия Китапханәләр көнен билгеләп үттеләр
Гомумроссия китапханәләр көнен билгеләп үтү алдыннан Андреевка авылы мәдәният йортында «Китапханәләр көненә багышлана» дип исемләнгән бәйрәм чарасы узды.
Оештыручылар - мәдәният йорты, авыл китапханәсе һәм җирле мәктәп.
Тантананы мәктәп укучылары китапханәче һөнәре турындагы әдәби чыгыш белән ачып җибәрде. Кунакларны авыл җирлеге секретаре Надежда Тарасова котлады. Ул китапханәче Нина Ивановнага күпьеллык хезмәте, авыл мәдәниятен үстерүгә һәм үсеп килүче буынны тәрбияләүгә керткән өлеше өчен рәхмәт белдерде.
Авыл китапханәсе укучылары да Нина Ивановнаны котларга килделәр, аның һөнәренә тугрылыгын билгеләп үттеләр: 45 елдан артык инде ул бер урында эшли, хезмәт кенәгәсендә бер генә язма бар. Кунаклар аңа рәхмәт йөзеннән чәчәк бәйләме тапшырды.
Бәйрәм тамашачыларга онытылмаслык хисләр бүләк иткән «Сеспель» халык ансамбленең матур чыгышы белән тәмамланды.