Татарстан Журналистлар берлегенең Нурлат бүлеге җитәкчесе Казанда үткән съездда Мактау грамотасы белән бүләкләнде
Бүген Казанда уза торган Татарстан Республикасы Журналистлар берлегенең XXII съезды кысаларында бүләкләү тантанасы булды.
ТР Журналистлар берлеге рәисе Илшат Әминов берлекнең Нурлат бүлеге җитәкчесе Резеда Гиняевага Мактау грамотасын тапшырды.
Чарага бөтен республикадан медиасфера вәкилләре җыелды, алар арасында Нурлат районы журналистлары делегациясе – «Татмедиа» АҖнең «Нурлат - информ» филиалы җитәкчесе - баш мөхәррир Сирень Сәмәрханова һәм «Дуслык» («Дружба», «Туслах») газетасының баш мөхәррире Лилия Мөбәрәкшина да бар.
Съезд программасында “2025 елда Медиаиндустрия: трендлар һәм чакырулар” лекорие аерым урын алды, анда экспертлар тармакның үсеш перспективалары турында фикер алыштылар. Нәкъ менә шушы дискуссия барышында Резеда Гиняеваны бүләкләделәр, аны җирле массакүләм мәгълүмат чараларын үстерү һәм һөнәри бергәлекне ныгыту буенча актив эшчәнлеге өчен билгеләп үттеләр.
Мактау грамотасын алу Резеда Гиняеваның муниципаль дәрәҗәдә журналистикага ярдәм итүдәге казанышларын тану булып тора. Нурлаттагы хезмәттәшләре аны медиаконтентның сыйфатын күтәрүгә һәм яшь белгечләрне укытуга юнәлдерелгән күп кенә проектларның инициаторы дип атый.
Съезд үз эшен дәвам итә, ул журналистика һәм массмедиа өлкәсендә «Бәллүр каләм» – «Хрустальное перо» XXVIII республика конкурсына йомгак ясау һәм җиңүчеләрне бүләкләү тантанасы белән тәмамланачак.