Нурлатта «Мәктәп футбол лигасы»ның зона этабы нәтиҗәләре ачыкланды
12 майда Нурлат шәһәренең «Спорт» паркында «Яшьләр һәм балалар» илкүләм проекты кысаларында 2024/25 елгы сезонның «Мәктәп футбол лигасы» зона ярышлары узды.
Ярышларның максаты-балалар һәм яшүсмерләр арасында футболны популярлаштыру һәм үстерү, сәламәт яшәү рәвешен пропагандалау.
Футбол кырында Чистай, Чирмешән, Алексеевск, Аксубай һәм Нурлат районнарыннан муниципаль этапта җиңү яулаган - иң көчле командалар очрашты. 2011-2012 һәм 2013-2014 елгы яшь футболчылар көчле уен, көрәш һәм чын спорт рухы күрсәтте! Ярыш йомгаклары буенча җиңүчеләр һәм призерлар ачыкланды:
2011-2012 елгы яшүсмерләр - 4нче мәктәп (1нче урын)
2011-2012 елгы кызлар - 9нчы мәктәп (2нче урын)
2013-2014 елгы егетләр - 9нчы мәктәп (1нче урын)
2013-2014 елгы кызлар — Нурлат гимназиясе (2 урын)
Хәзер җиңүче командаларга-4нче һәм 9нчы мәктәпләргә 26-27 майда Казанда узачак региональ этапта район данын якларга туры киләчәк. Аларга ышаныч, ныклык һәм яңа җиңүләр телибез!
Барлык катнашучыларга, тренерларга, оештыручыларга һәм җанатарларга рәхмәт белдерәбез! Футбол берләштерә, яңа җиңүләргә илһамландыра!