Дәүләт Думасы депутаты Айдар Метшин Нурлатта гражданнарны кабул итте
Бүген сайлаучылар белән эшләү кысаларында РФ Дәүләт Думасы депутаты Айдар Метшин Нурлат муниципаль районында гражданнарны кабул итте. Очрашу район Советының конференц-залында муниципалитет Башлыгы Дамир Ишкинеев, профильле хезмәтләр һәм ведомстволар җитәкчеләре катнашында узды.
Парламентарийга тормышның төп өлкәләренә кагылышлы сораулар белән 4 нурлатлы мөрәҗәгать итте. Һәрбер мөрәҗәгать экспертлар һәм хакимият вәкилләрен җәлеп итеп җентекләп тикшерелде. Мәсәлән, Ключи микрорайонында яшәүче юынтык суны агызу проблемасын хәл итүдә ярдәм сораган, икенче бер нурлатлының кредит бурычларын түләү белән бәйле проблемалары туган. Өченчесе беренче төркем инвалид гражданинның хатыны субсидияләр рәсмиләштерүдә ярдәм сорап мөрәҗәгать иткән. Депутат гражданнарның яклауга мохтаҗ категорияләренә социаль ярдәмне көчәйтү кирәклеген билгеләп, мәсьәләне контрольгә алды. Нурлатта яшәүче тагын бер хатын-кыз сәламәтлек мөмкинлекләре чикләнгән улына эш табу кыенлыклары турында сөйләде. Сөйләшү барышында яшь кешенең, шуңа да карамастан, инвалидлыгы булмавы ачыкланды. Айдар Рәис улы бу мәсьәләне хәл итүдә ярдәм итәргә тәкъдим итте, ә яшь кешегә киләчәктә белем алу мөмкинлеге булган һөнәрне сайларга киңәш итте.
Барлык килгән гаризалар Айдар Метшин командасы тарафыннан контрольгә алынды. Гомумән алганда, гражданнар белән очрашулар депутатның райондагы системалы эшенең бер өлеше булды. Алар халыкка адреслы ярдәм күрсәтеп кенә калмыйча, закон чыгару инициативаларын кертү өчен гомуми проблемаларны ачыкларга да мөмкинлек бирә.