Россия Герое Рәсим Баксиков Нурлат укучылары өчен батырлык дәресе үткәрде
Чара яшьләрне патриотик тәрбияләүдә мөһим вакыйгага әверелде.
Батырлык дәресе башланыр алдыннан Рәсим Баксиков Нурлат районы Башлыгы Дамир Ишкинеев белән бергә Шәһәр Мәдәният сарае фойесында урнашкан волонтерлык инициативалары мәйданчыгында булды. Махсус хәрби операциянең беренче көннәреннән үк фронтка ярдәм итүче волонтерлар үз эшләре турында җентекләп сөйләде. Россия Герое маскировка челтәрләрен, плащ-палаткаларны, медицина носилкаларын, окоп шәмнәрен һәм сугышчылар өчен эшләнгән башка әйберләрне кызыксынып карады һәм кайбер киңәшләрен бирде.
«Хәрби туганлык» волонтерлык берләшмәсе вәкилләре белән бергә геройны хәзер кыска вакытлы ялда булган махсус хәрби операциядә катнашучылар да каршы алды. Егетләр геройга үзләренең алгы сызыкка барулары турында сөйләделәр һәм сугыш кырларыннан трофейлар күрсәттеләр. Аларның берсен-сугышчылар «шайтан-труба» дип атаган утлы коралны алар Казандагы музейларның берсенә солдатларның батырлыгы турындагы истәлекне саклау өчен экспонат итеп тапшырганнар.
Шәһәр Мәдәният сараенда район мәктәпләре укучылары алкышлар белән каршы алдылар. Язмышы күрше Алексеевск районы белән тыгыз бәйләнгән Рәсим Баксиков әңгәмәне якташларына җылы мөрәҗәгать белән башлады. Ул үзенең сугышчан юлы турында сөйләде, СВО бурычларын үтәгәндә экипажы батырлык күрсәткән легендар «Алеша» танкы турындагы тарихлары белән уртаклашты һәм яшьләргә теләк белдерде.
"Сезнең бурыч - Ватанны саклау гына түгел, аны үстерү дә. Укыгыз, һөнәр үзләштерегез, лаеклы гражданнар булыгыз. Илнең киләчәге сезнең белемегезгә бәйле", - дип мөрәҗәгать итте ул яшь нурлатлыларга.
Балаларда Герой Йолдызын тапшыру вакытында Россия Президенты Владимир Путин белән очрашу турындагы хикәя аеруча кызыксыну уятты. Баксиков югары бүләк - җәмгыять алдында җаваплылык булуын билгеләп үтте һәм укучыларны волонтерлык проектларында актив катнашырга чакырды.
"Балалар минем аларга үзләренең киләчәгенә, дәүләтебезнең киләчәгенә кагылышлы нәрсә әйтергә теләгәнемне ишеттеләр дип ышанам. Мин балаларга эшләргә, Ватаныбызга хезмәт итәргә һәм лаеклы киләчәк буын тәрбияләргә мөмкинлек булсын өчен тырышып укырга киңәш иттем, – диде ул очрашудан соң. - Район волонтерларының эше дә сокландырды. Алар бүген безнең солдатларга иң якын торалар. Аларның ярдәмнәре сокландыра. Алар сугышчыларның тормышын җиңеләйтә, моның өчен аларга зур рәхмәт».
Очрашудан соң Рәсим Баксиков "Барысы да җиңү өчен. Нурлат" фондының гуманитар ярдәм җыю пунктында булды. Аннары Нурлатның үзәк мәйданында 9 Май бәйрәме парадының репетициясен карады.