Нурлатлылар “Җиңү диктанты" Халыкара тарихи-патриотик акциясенә кушылды
Бөек Ватан сугышы вакыйгалары темасына иң масштаблы тарихи тест быел җиденче тапкыр уздырылды.
Нурлатлылар Нурлат аграр техникумында, шәһәр гимназиясендә, 1, 2, 3нче мәктәпләрдә оештырылган биш мәйданчыкта диктант яздылар.
Шәһәрнең 3нче мәктәбендә кунакларны аеруча тантаналы рәвештә каршы алдылар: хәрби киемдәге укучылар «Май вальсы»н башкардылар, ә егетләр честь бирделәр. Өченче катта фойеда хәрби тематикага күргәзмәләр җәелдерелгән иде. Биредә теләүчеләр «Җиңү хаты» акциясенә кушыла һәм махсус хәрби операциядә катнашучыларга изге теләкләр яза алдылар.
7А сыйныфы укучылары – «Игелек тамчылары» төркеменең яшь волонтерлары үз эшләрен тәкъдим иттеләр. Узган елның декабреннән алар солдатларга актив ярдәм итәләр: мендәрләр, госпитальләр өчен «сөякләр», исән калу беләзекләре, дроннан саклау пәрдәләре ясыйлар, коры душ әзерлиләр, чәйләр җыялар. Алар үз хезмәтләрен Нурлат районы Башлыгы Дамир Ишкинеевка күрсәтте, ул да акциядә катнашты.
"Диктант сораулары Бөек Ватан сугышы, Икенче бөтендөнья сугышы, ул еллардагы хәрби вакыйгаларның барышы белән бәйле. Луганск һәм Донецк Халык республикалары, Запорожье һәм Херсон өлкәләре территорияләрен нацизмнан азат итү буенча махсус хәрби операция белән кисешкән сораулар булды. Бөек Җиңүнең 80 еллыгы алдыннан бик кызыклы акция", - дип уртаклашты ул диктантта катнашканнан соң.
Бу көнне мәйданчыкта район хәрби комиссары Заһир Абдуллин, район Башкарма комитеты, мәгариф учреждениеләре җитәкчеләре һәм вәкилләре, мәктәп укучылары һәм педагоглары диктант язды. Аларга Спас позывное белән махсус хәрби операция сугышчысы да кушылды, ул хәзерге вакытта яраланганнан соң реабилитация уза.
"Җиңү диктанты" акциясендә мин беренче тапкыр катнашам. Минем өчен бу әһәмиятле вакыйга – хәзер без, Икенче бөтендөнья сугышында катнашкан бабаларыбыз кебек үк, нацизмга каршы көрәшәбез», – диде ул.
«Җиңү диктанты» тарихи акциясе быел Россияне генә түгел, ә дөньяның 90 илен дә колачлады, совет халкының батырлыгын искә алучыларны берләштерде.