Нурлатта Башкарма комитет җитәкчесе тыл хезмәтчәненә Җиңү көнен билгеләп үтү уңаеннан бүләк тапшырды
Бүген Нурлат районы Башкарма комитеты җитәкчесе Әсхать Габдуллин тыл хезмәтчәне Һадия Сафиулла кызы Гатауллина янына чираттагы тапкыр килде һәм аңа Татарстан Республикасы Рәисе Рөстәм Миңнехановның котлауларын һәм бүләкләрен тапшырды.
Март аенда район Башкарма комитеты җитәкчесе Һадия Сафиулла кызына «1941-1945 еллардагы Бөек Ватан сугышында Җиңүгә 80 ел» медален тапшырды. Авырлыкларга һәм бәла-казаларга карамастан, Һадия Сафиулла кызы Бөек Җиңү бәйрәмен зарыгып көтә.
Әсхать Габдуллин тыл хезмәтчәне белән җылы аралашты, аңа ныклы сәламәтлек теләде. Һадия Сафиулла кызы тирә-юньдәгеләрнең игътибарыннан читтә калмый, туганнары һәм якыннары аны кайгырталар, әниләренең, әбиләренең чын хезмәт сөючәнлек һәм фидакарьлек үрнәге булуы белән горурланалар