Язгы-җәйге янгын куркынычы булган чорда саклык чаралары һәм янгын куркынычсызлыгы кагыйдәләре турында
Татарстан Республикасында янгын куркынычы чоры игълан ителде, ә бу-ачык ут кабызуны тыю.
Шулай да сезнең белән бәла-каза булмасын өчен янгын куркынычсызлыгының элементар кагыйдәләрен һәм вакытыннан алда саклану чараларын үтәргә кирәк.
Участок территориясен һәм аңа якын территорияне янучан калдыклардан, чүп-чардан, коелган яфраклардан, үләннәрдән вакытында чистартыгыз. Исегездә тотыгыз, янучан мохит булмаган җирдә ут булмаячак!
Һәр корылма янына сулы савыт куегыз. Корылмаларда түбәгә кадәр барып җиткән терәк баскычлар, ә түбәдә түбә очына кадәр җиткән баскыч булырга тиеш.
Янгын вакытында ут биналарга һәм корылмаларга үрләмәсен өчен янгынга каршы полосалар төзегез. Үз мөлкәтегезне янгыннан үләннән чистартылган җир полосасы белән саклагыз-мотоблок белән йөреп була-бу да ышанычлы вариант.
Коры 2010 елда, янгыннан бөтен авыллар янып беткәндә, телевизордан авылда бер генә йортның исән калган тарихын күрсәттеләр! Хуҗалар, уңышны корылыктан саклап калу өчен, бакчага һәм яшелчә бакчаларына сибеп торганнар. Һәм бу аларны тагын да куркынычрак бәладән коткарды: ут өйләренә якынлаша алмаган, сөрелгән җирдән полоса (яшелчә бакчасы) коткарган.
· Тотрыклы коры, эссе һәм җилле һава шартларында язгы-җәйге чорда каты ягулыкта эшләүче учаклар ягу, янгын куркынычы янаган эшләр башкару, мичләрне ягу тыела.
Газ тутырылган баллоннарны, шулай ук тиз кабынучан яки янучан сыеклыклар тутырылган савытларны ишегалларында караучысыз калдырмагыз. Янгын куркынычсызлыгы таләпләре буенча пропан баллон кояштан сакланырга тиеш.
Шешәләрне, ватык пыялаларны урамда ташлап калдырмагыз. Алар, кояшта линзага әверелеп, кояш нурларын үзеннән-үзе янып киткәнче туплыйлар.
· Күпләр болгаркалардан, эретеп ябыштыру аппаратларыннан файдалана-бу төр эшләрне башкарганда янгын куркынычсызлыгы кагыйдәләрен үтәгез.
· Электр челтәрләрен, көнкүреш, газ приборларын, мичләрне төзек хәлдә тотыгыз һәм алардан файдаланганда саклык чараларын үтәгез.
· Челтәргә куелган электр приборларын, яна торган газ плиткаларын, ягыла торган мичләрне, мунчаларны караучысыз калдырмагыз һәм аларны күзәтүне кечкенә балаларга йөкләмәгез. Җилле көннәрдә мунча ягу, җылыту куркыныч!
* Балаларның ут белән шаяруларын кырыс кына кисәтегез.
Йорт яны участогы, торак йорт, дача участогы территориясендә янгын куркынычсызлыгын тәэмин итү өчен җаваплылык аларның хуҗаларына йөкләнә!
ОП 73 ПЧ ГПП инженеры Нина Логинкина.