Нурлатның яшь машина йөртүчеләре осталыкларын күрсәтте

2025 елның 11 апреле, җомга

Нурлатта «Автомногоборье» конкурсының муниципаль этабы узды, анда шәһәр һәм авыл мәктәпләреннән 21 курсант катнашты.

Булачак машина йөртүчеләр үзләренең осталыкларын өч төрле сынауда күрсәтте: юл йөрү кагыйдәләрен белү, беренче ярдәм күрсәтү һәм тиз маневрлар ясау.

Ярыш йомгаклары буенча Игорь Тимофеев җиңү яулады. Икенче урында - Анастасия Вырдина, өченче урында – Екатерина Давыдова, дүртенче урында-Әмирә Харматуллина.

Оештыручылар катнашучыларның укуга җитди карауларын һәм аларның булачак автомобильчеләр буларак җаваплылыкны аңлауларын билгеләп үтте. Җиңүчеләр һәм призерлар истәлекле бүләкләр һәм дипломнар алды.