Россия Социаль фондының Татарстандагы бүлеге апрель аенда ветераннарга Бөек Ватан сугышында Җиңүнең 80 еллыгы уңаеннан бер тапкыр түләү күчерәчәк
Россия Социаль фондының Татарстандагы бүлеге апрель аенда ветераннарга Бөек Ватан сугышында Җиңүнең 80 еллыгы уңаеннан бер тапкыр түләү күчерәчәк. Аны республикада яшәүче 8,7 меңнән артыграк кеше алачак. Бу хакта “Татар-информ” Социаль фондның матбугат хезмәте мәгълүматларына таянып яза. “Бөек Ватан сугышында катнашучылар һәм сугыш инвалидлары, аларның тол хатыннары, нацистлар концлагерьларының балигъ булмаган тоткыннары, “Камалыштагы Ленинградны саклаган өчен”, “Камалыштагы Ленинградта яшәүчегә”, “Камалыштагы Сталинградта яшәүчегә”, “Камалыштагы Севастопольдә яшәүчеләргә” билгеләре белән бүләкләнгән кешеләр 80 мең сум алачак”
Тыл хезмәтчәннәре һәм фашистлар концлагерьларының элекке балигъ булмаган тоткыннарына 55әр мең сум күләмендә биреләчәк.
- Бөек Ватан сугышында катнашучыларга һәм инвалидларга 10 мең сум күләмендә өстәмә түләү каралган.
“Яшәү урынына карамастан, барлык ветераннар да әлеге түләүне алу хокукына ия. Моның өчен Социаль фонд бүлегенә мөрәҗәгать итәргә кирәкми. Ветераннарга акча пенсия белән бергә элекке график буенча күчереләчәк”, – дип аңлатып үтте Социаль фондның Татарстандагы бүлеге идарәчесе Эдуард Вафин.