"Әтиләр һәм балалар" гаилә чаңгы эстафетасы Җиңүнең 80 еллыгы уңаеннан буыннарны берләштерде
Нурлат шәһәренең «Ак Барс» спорт Үзәге территориясендә Бөек Ватан сугышында Җиңүнең 80 еллыгына багышланган «Әтиләр һәм балалар» спринтер чаңгы эстафетасы узды. Чараны оештыруда «Бердәм Россия» партиясенең Нурлат җирле бүлеге катнашты, аның вәкилләре бу инициативаны хуплап кына калмады, ярышларда җиңүчеләргә истәлекле бүләкләр дә тапшырды.
Ярышларда 43 гаилә катнашты, алар өч категориядә көч сынашты:
1. Мәктәпкәчә яшьтәге балалар + әтиләр (15 гаилә),
2. Әти + кыз (12 гаилә),
3. Әти + ул (16 гаилә).
Ярышларга йомгак:
«Мәктәпкәчә яшьтәге балалар " категориясе
1 урын – Айкиннар гаиләсе, Иске Чаллы авылы балалар бакчасы,
2 урын – Гавриловлар гаиләсе, Иске Чаллы авылы балалар бакчасы,
3 урын – Негаевлар гаиләсе, «Светлячок» балалар бакчасы.
«Әти + кыз» категориясе
1 урын – Гавриловлар гаиләсе, Иске Чаллы мәктәбе,
2 урын – Сатдаровлар гаиләсе, Нурлат шәһәренең 2 нче мәктәбе,
3 урын – Васильев-Трофимовлар гаиләсе, Каравыл-Тавы мәктәбе.
«Әти + ул» категориясе
1 урын – Хошкильдиннар-Рыбаковлар гаиләсе, Иске Чаллы мәктәбе,
2 урын – Жирновлар гаиләсе, Нурлат шәһәренең 4 нче мәктәбе,
3 урын-Абрамовлар гаиләсе, Нурлат гимназиясе.
Чара җылы һәм дустанә атмосферада узды. Катнашучылар үзләренең спорт осталыкларын күрсәтеп кенә калмадылар, күңел күтәренкелеге һәм уңай хис-кичерешләр дә алдылар. Оештыручылар барлык гаиләләргә актив катнашулары, сәламәт яшәү рәвешенә омтылулары һәм спортны яратулары өчен рәхмәт белдерделәр.
Мондый чаралар гаилә мөнәсәбәтләрен ныгытып кына калмый, тарихи хәтерне саклауның мөһимлеген дә искәртә. «Әтиләр һәм балалар» эстафетасы спортның буыннарны берләштерүенең һәм яңа казанышларга илһамландыруының, шул ук вакытта үткәннәр белән элемтәне һәм ата-бабаларыбызның батырлыгына хөрмәтне саклауның ачык мисалы да булды.