«Башаккай» балалар бакчасында ЮХИДИ инспекторы ата-аналар белән әңгәмә үткәрде
Чара өлкәннәргә юл хәрәкәте кагыйдәләрен үтәүнең мөһимлеген һәм балалар иминлеге өчен җаваплылыкны искә төшерү максатында оештырылды.
Очрашу барышында инспектор җәяүлеләр һәм машина йөртүчеләр җибәргән типик хаталар турында сөйләде, шулай ук автомобильләрдә балаларны эләктереп йөртү җайланмаларын куллану кирәклеге турында искәртте. Аерым игътибар машина юлы аша чыгу кагыйдәләренә һәм балаларда юлда үз-үзеңне тоту культурасын формалаштыруда ата-аналарның шәхси үрнәгенең мөһимлегенә бирелде.
"Балаларның иминлеге-безнең уртак бурычыбыз. Ата-аналар аңлатырга гына түгел, юлда үзләрен ничек дөрес тотарга икәнен дә үз үрнәгендә күрсәтергә тиеш. Шул рәвешле генә без балаларыбызны куркынычтан саклый алачакбыз", - дип ассызыклады инспектор.
Әти-әниләр әңгәмәдә актив катнаштылар, сораулар бирделәр һәм үз күзәтүләре белән уртаклаштылар. Очрашу азагында барлык катнашучыларга юл куркынычсызлыгының төп кагыйдәләре язылган белешмәлекләр тапшырылды.
Мондый чаралар ата-аналарның хәбәрдарлыгын арттырырга һәм балалар өчен юлларда да, көндәлек тормышта да куркынычсыз мохит булдырырга ярдәм итә.