Әфганстан: онытырга хакыбыз юк. Нурлат районында патриотик дәресләр

2025 елның 15 феврале, шимбә

Нурлат районы мәктәпләрендә Совет гаскәрләрен Әфганстаннан чыгаруга 36 ел тулу уңаеннан «Әфганстан: онытырга хакыбыз юк» патриотик сәгатьләре үткәрелде.

Чаралар Ватанны саклаучылар елы һәм оборона-массакүләм, спорт һәм патриотик эш айлыгы кысаларында узды.

Укучылар Әфганстанда һәм махсус хәрби операция барышында һәлак булган сугышчы-интернационалистларны һәм хәрбиләрне бер минут тынлык белән искә алдылар. Очрашу әфган ветераннары һәм СВОда сугышчылары катнашында узды, алар үз тәҗрибәләре белән уртаклаштылар, ватанпәрвәрлек һәм Ватанны саклауның мөһимлеге турында сөйләделәр.