Нурлаттан Гөлсинә Төхфәтуллина «Ел хатын-кызы» конкурсының зона этабында җиңү яулады

2025 елның 11 феврале, сишәмбе

Чистай шәһәрендә узган "Ел хатын-кызы. Ел ир-аты: хатын-кыз карашы» исемле бәйгедә Нурлат районыннан 4 вәкил катнашты.

Гөлсинә Төхфәтуллина «Хатын-кыз-ана» номинациясендә җиңүче булды, ә Анжела Закирова «Өченче буын героинясы» номинациясендә махсус призга лаек булды.

Монда шулай ук Гөлия Галләмова («Хатын-кыз лидер») һәм Галина Терентьева («Хатын-кыз: мәдәният һәм рухият») уңышлы чыгыш ясадылар. Аларның барысы да катнашучы дипломына лаек булдыл һәм Казанга Татарстан рәисе Рөстәм Миңнеханов белән очрашуга чакырылды.