Район җитәкчелеге Тимерьюлчылар микрорайонында яшәүчеләр белән очрашты
Гражданнар җыены шәһәрнең 8нче мәктәбендә район җитәкчелегенең Нурлат районы халкы белән кышкы очрашулары кысаларында узды.
Район башлыгы Дамир Ишкинеев җитәкчелегендәге чарада районның тормышны тәэмин итү хезмәтләре, хокук саклау органнары, социаль һәм башка учреждениеләр вәкилләре катнашты.
Тимер юлчылар микрорайонында узган елда башкарылган эшләр турында «Эталон» идарәче компаниясе директоры Марина Демидова һәм 9нчы териториаль иҗтимагый үзидарә рәисе Александр Собольков хисап тотты.
Мәсәлән, “Эталон" микрорайонда 600дән артык нурлатлылы яши торган 15 күп фатирлы йортка хезмәт күрсәтә.
"Бу участокта Куйбышев урамындагы 94а һәм 96А йортларыннан тыш, барлык йортларга да диярлек капиталь ремонт ясалган. 96А номерлы йорт быел капиталь ремонт программасына кертелгән. Электр челтәрләренә агымдагы ремонт эшләре алып барыла, җәмәгать мәйданчыкларында электр калканнарындагы автоматларны алыштырабыз, хәрәкәт датчикларын, лампочкаларны, яктырткычларны, ут сүндергечләрне алыштырабыз», – дип санап китте Марина Валентиновна кайбер эшләрне. Аның билгеләп үтүенчә, агымдагы чорда Красноармейская ур., 61, Куйбышев, 48, Октябрьнең 40 еллыгы, 1 адреслары буенча подъездларга ремонт ясалачак.
9нчы териториаль иҗтимагый үзидарә үз эшен шәхси секторда алып бара, анда 35 урам һәм 6 тыкрык урнашкан. Биредә 1488 йорт бар, аларда 3 меңләп нурлатлылары яши. 2023 елда шәхси секторда су агызу эшләре башланды, кайбер урамнар канализация системасына тоташтырылган инде. Александр Петрович сүзләренчә, тагын 18 урамга проект әзер. Фикер алышу барышында җыенда актив катнашкан микрорайон халкы үз сорауларын бирде. Алар кайбер участокларны яктыртуга, кыргый агачларны кисүгә, юлларны төзекләндерүгә, микрорайонны югары тизлекле интернетка тоташтыруга һәм башкаларга кагыла.
Кайбер сорауларга җаваплар урында бирелде, икенчеләре эшкә алынды.
Дамир Ишкинеев очрашуда катнашучыларны 2024 елда Нурлат районының социаль-икътисади үсеше нәтиҗәләре белән таныштырды. Район Башкарма комитеты җитәкчесенең беренче урынбасары Радик Гыйниятуллин яңа елдан кертелгән яңа законнар турында сөйләде. Аларның берсе этләрне чиплаштыруга кагыла.