Нурлатлылар зыян күрүчеләргә ярдәм итә

Амур өлкәсендә су басу аркасында зыян күрүчеләргә Нурлат районы халкы да ярдәм җибәрде.
Әле шул көннәрдә генә нурлатлыларның хәйрия ярдәмен районның хатын-кызлар Советы рәисе Фәридә Сәгыйрова Амур өлкәсенә илтеп кайтты.
– Бу эштә авыл җирлекләре башкарма комитетлары һәм мәгариф учреждениеләре бик актив булды, - ди ул. – Бу чорда зыян күрүчеләрнең махсус исәп-хисап счетына нурлатлылар 44 мең 515 сум акча күчерделәр. Моннан тыш, балалар уенчыклары, урын-җир, азык-төлек һәм кием-салым белән бик зур ярдәм иттеләр. Кеше кайгысы бәлада беленә ул, нурлатлылар үзләренең игелекле булуларын тагын бер кат расладылар. Рәхмәт аларга.