“Мирас" клубында каникуллар иҗат дулкынында уза

2025 елның 5 гыйнвары, якшәмбе

“Яңа ел – яңа иҗади идеяләр чоры”, - шундый девиз астында “Мирас" яшүсмерләр клубы хезмәткәрләре яшь нурлатлылар өчен яңа ел каникуллары кысаларында чаралар оештыра.

Мисал өчен, шушы көннәрдә биредә талантлы яшь кызларның нурлатлылар белән иҗади очрашуы узды. Очрашу кысаларында алар тамашачыларга үзләренең иҗат җимешләрен күрсәттеләр, репертуар турында сөйләделәр.

"Креатив һәм иҗади балалар актив рәвештә репетицияләр ясыйлар һәм кышкы каникулларын файдалы уздыралар. Әгәр дә син шундый ук иҗади, амбициоз булсаң, һичшиксез безнең яшьләр клубына кил", - дип чакыра үз янына «Мирас» хезмәткәрләре.