Нурлатлылар балаларның Яңа Ел теләкләрен тормышка ашыра

2024 елның 26 декабре, пәнҗешәмбе

Нурлатта предприятие, оешма җитәкчеләре балаларның Яңа Ел теләкләрен үти.

Яшь нурлатлылар Яңа ел чыршысына куелган кар бөртекләренә үз теләкләрен яздылар. Ел саен үткәрелә торган «Теләкләр чыршысы» акциясе кысаларында депутатлар, җитәкчеләр балачак хыялларын тормышка ашыралар: алар чыршыдан кар бөртекләрен алдылар, малайларга һәм кызларга бүләкләр әзерләделәр.

Бу көннәрдә акциядә районның 30дан артык эшкуары да катнашты. Татлы бүләкләр белән бергә алар «Детский мир», «ДНС», «Цифропарк» кибетләренә сертификатлар бүләк иттеләр.

Акция дәвам итә. Аңа тагын да күбрәк нурлатлылар кушыла ала.