Нурлатлылар «Ел таланты-2024» исеменә лаек булды

Нурлат шәһәренең 1нче мәктәбенең информатика укытучысы Рузилә Гатина, Колбай-Мараса мәктәбе укучысы Айгөл Әхмәтҗанова һәм Мамык мәктәбе укучысы Андрей Борисов республика конкурсында җиңү  яулады. Бүген Казанның «Корстон» сәүдә-күңел ачу комплексында «Ел таланты-2024» республика премиясе җиңүчеләрен бүләкләү тантанасы уза. Премия ТР Мәгариф һәм фән министрлыгы ярдәмендә Талантлар Университеты тарафыннан үткәрелә, ул фән, сәнгать һәм спорт өлкәсендә республика конкурс чаралары призерлары һәм җиңүчеләре булган мәктәп укучыларына ярдәм итүгә юнәлдерелгән.

Быел премиягә 300дән артык укучы, аларның остазлары һәм экспертлары ия булды. Җиңүчеләр арасында шәһәрнең 1нче мәктәбенең информатика укытучысы Рузилә Гатина, Колбай-Мараса мәктәбенең 10нчы сыйныф укучысы Айгөл Әхмәтҗанова һәм Мамык мәктәбенең 6нчы сыйныф укучысы Андрей Борисов бар. Рузилә Марат кызы -  «Талантлы балалар һәм яшьләр педагоглары һәм остазлары», Айгөл Әхмәтҗанова - «Талантлар университетының проект конкурсларында җиңүчеләр һәм призерлар», ә Андрей Борисов «Техник конкурсларда җиңүчеләр һәм призерлар» номинациясендә җиңүгә лаек булды