Нурлат аграр техникумының беренче курс студенты Денис Ивановның Яңа ел теләге үтәлде
Денис-махсус операциядә һәлак булган якташыбызның улы.
"Мин иремнең СВОга барганын белмәдем дә, азат ителгән торак пунктларга төзелешкә барам, эшчеләрне йөртәчәкмен, дип әйтә килде. Ә ул контракт төзегән икән, - дип уртаклашты сугышчының тол хатыны. – 2022 елның 26 августында китте, ә 11 сентябрьдә бөтен төркем һәлак булган. Бу хакта мин апрельдә генә белдем».
«Теләкләр чыршысы» Бөтенроссия акциясе башлангач, Дениска анда катнашырга тәкъдим иткәннәр. Чыршыдан яшүсмернең теләге язылган Кар бөртеген эшмәкәрләр Владимир һәм Алевтина Морозовлар алды.
«Акция бөтен җирдә уза, без дә балачак хыялын тормышка ашырырга булдык, – диде Владимир Владимирович. - Егет теләгәнчә, без аңа цифрлы техника кибете сертификатын бүләк итәбез"»
Владимир Морозов-актив волонтер, СВО зонасына 16 гуманитар сәфәр кылган. Морозовлар үз бүләкләрен Денисның әнисенә үзәк мәйдандагы чыршы янында тапшырдылар, очрашуга ул 3 яшьлек кызы София белән килде.
"Безнең иҗтимагый оешма әгъзасы Владимир Морозовтан без Денисның сеңлесе барлыгын белдек һәм аны да сөендерергә булдык. Аңа татлы бүләкләр һәм уенчыклар әзерләдек, проблемаларыгыз булса, мөрәҗәгать итегез, һәрвакыт ярдәм итәргә тырышырбыз ", – диде Әфганстандагы сугыш һәм башка локаль конфликтлар ветераннарының иҗтимагый оешмасы җитәкчесе Ришат Сафиуллин кызчыкның әнисенә мөрәҗәгать итеп.
Ираида Иванова аларның гаиләсен игътибарсыз калдырмауларын билгеләп үтеп, иганәчеләргә рәхмәтен белдерде.